< الرئيسية > < التسجيل > < الشروط > < البحث > < الاتصال بنا >  

التفكير ومشاكل الجسم  آخر رد: حسن الرداد    <::>    برامج وغاية اليهود  آخر رد: المهلهل    <::>    أوقــآت !!  آخر رد: الهدار    <::>    مفيد جدا عن أسباب اضطرابات الذ...  آخر رد: حسن الرداد    <::>    من هو جنكيز خان - Genghis Khan  آخر رد: محمد شاهين    <::>    ارتداء "النقاب" في هذا البلد ي...  آخر رد: محمد شاهين    <::>    من الفقر إلى ريادة الأعمال: هذ...  آخر رد: محمد شاهين    <::>    اقتراحات لتحسين حالتك المزاجية...  آخر رد: حسن الرداد    <::>    لماذا يعض البعوض بعض الأشخاص د...  آخر رد: محمد شاهين    <::>    أثر الفكر الايجابي والسلبي علي...  آخر رد: الهدار    <::>   
 
منتدى القريات
العودة   منتدى القريات > ملتقى القريات الأدبي > قسم الشعر العام > قسم الشعر الشعبي
 

قسم الشعر الشعبي كل مايخص الشعر الشعبي

إضافة رد
 
أدوات الموضوع انواع عرض الموضوع
قديم 23-01-2010, 06:34   رقم المشاركة : 21
معلومات العضو
احمد بن عايض
اللجنه الإعلامية لمنتدى القريات
 
الصورة الرمزية احمد بن عايض
 

 

إحصائية العضو







اخر مواضيعي

 

احمد بن عايض غير متواجد حالياً


افتراضي





نقره لعرض الصورة في صفحة مستقلة

الشاعر القدير:
نقره لعرض الصورة في صفحة مستقلة

أسعد الله أوقاتكـ بكل خير
لاجديد في حضوركـ سوى التميز الغير مستغرب من أمثالكـ

نقره لعرض الصورة في صفحة مستقلة
موضوع أعجبني كثيراً

حتى جعلني أحتار كيف أشاركـ لهيبة الطرح


المبدعين في الساحه الشعبيه كثر ولايمكن الحصر

ولكن سوف أشاركـ كل فتره بشاعر يعجبني


بدايتي شاعر لا أريد أن أستطرد إعجابي به لإن قصائده فرضت وجودها في قلوب محبيه ولعلني أحدهم رغم أنه مظلوم إعلاميا بوجهة نظري
نقره لعرض الصورة في صفحة مستقلة



الشاعر : صنيتان المطيري

أحد أبرز شعراء الساحه الشعبيه

عمره الشعري تجاوز الـ 25 سنه

تابعته منذ فتره ليست بالقريبه حفظت له بعض القصائد وأصبحت معظم أبياته راسخه في ذهني

لا أعلم ماسر غيابه عن الساحه ولكن مهما غاب يبقى حاضر بقلوبنا

ورساله أوجهها للشاعر : صنيتان المطيري

وربما يكون أحد القراء لهذا الموضوع أقول له:

طال غيابكـ ونتمنى أن تعود كما عهدناكـ ونقرأ جديدكـ لإننا أشتقتنا ومازال الأمل لدينا بعودتكـ


سيرته أختصرها لكم ببعض من روائعه لعلها تشفع لي بإبداع هذا الشاعر الذي يطرب الذائقه دائماً

نقره لعرض الصورة في صفحة مستقلة


بيت لشاعرنا يقول فيه:_



يامعذبي ماعاد لي فيك حاجه=ماني على خبرك سواليف ومزوح






جرح مع الايام يلقى علاجه=وبعض الجروح علاجها نزعة الروح

نقره لعرض الصورة في صفحة مستقلة
نقره لعرض الصورة في صفحة مستقلة
ويستمر إبداعه


لا تجرحينـي قـدري و عذرينـي
وش تنفع الكلمة الى قلت مشتـاق
ضاع الأمل وش عاد أنا في يديني
الصيف ماقدر ضماء خضر الأوراق
ماهو تهرب قلتها شـوف عينـي
شمس المحبة مالها نيـة أشـراق
مكتوب أواجه ما كتب في جبينـي
و عزاي كل الخلق في حكم خـلاق
و دنيـاك هـذي كلهـا دمعتينـي
دمعة لقاء .. و الثانيه دمعة أفراق




نقره لعرض الصورة في صفحة مستقلة
وهو من قال


تدري وش اصعب ماتشوفه بدنياك=إنّك تشوف اللي تبي..ماتطوله



وكذلك قوله:

نقره لعرض الصورة في صفحة مستقلة


قالو غريبه قلت وين الغرابه؟!=الطيب مثل الرزق حظ ومقاسيم



وكذلك هو القائل:
نقره لعرض الصورة في صفحة مستقلة
يا عيد مالك فرحةٍ في عيوني
نسيتني مدري زماني نساني

ما تقدر أفراحك تعانق شجوني
أحزاني أكبر من كلام التهاني

حاولت أجاري فرحتك وكشفوني
لا جيت أبضحك ما ستمرت ثواني
يا ليتهم يدرون من غالطوني
إن الهوى ما عاد له عصر ثاني

ويا ليتهم يدرون من عايدوني
إن الفرح ماله بقلبي مكاني



وقصائد شاعرنا صنيتان المطيري لاتمل وهو كذلك من قال:_
نقره لعرض الصورة في صفحة مستقلة
يابو فهد ماكل ماكتب ينقال
ولا كل ما ينقال بالذهن مكتوب
فرق القصايد فرق راحل ونزال
وفرق الرجال ولولها أجسام وقلوب
شعرٍ يموت وصاحبه حي ما مات
وشعر تجاوزمرحلة شخص لشعوب
والشعر له في داخلي قدر وجلال
لا ما عرفته في هجيني ومسحوب
جرحٍ نبت بين الحنايا ولا زال
قبل الورق لايقبله حرف وإسلوب
والشهرة اللي ما طرت لي على بال
فضل من الله وأحمده قاضي النوب
لو إنها ماهيب هي راس هالمال
ما يستر عيوب الرجل لبسة الثوب
الرجل لاعدا على راس ما طال
لا أحدٍ جحد طيبه ولاساتر عيوب
واليوم كلٍ صار بالشعر يختال
وكلٍ يقول إنه على الشعر محسوب
صار الشعر للي ورا الشعر مدخال
ماهو لذاته فن يغري ومرغوب
يابو فهد تدري وأنا ادري عن الحال
اخوان يوسف هم سبب دمع يعقوب



أتمنى أنني وفقت بتقديم شاعري الغائب الحاضر
وأكرر شكري لمن عودنا على التميز في كل شي
شاعرنا الرائع: عبدالرزاق الهذيل

دمتم بود
أحمد







التوقيع

نقره لعرض الصورة في صفحة مستقلة

alshrariahmad@

آخر تعديل احمد بن عايض يوم 23-01-2010 في 07:14.
رد مع اقتباس
قديم 23-01-2010, 08:57   رقم المشاركة : 22
معلومات العضو
الشمريه
 
الصورة الرمزية الشمريه
 

 

إحصائية العضو






اخر مواضيعي

 

الشمريه غير متواجد حالياً


افتراضي

ماشاءالله عليك.......مجهود ملموس..........عسى يمينك ماتمسها النار.......على تعب تتعبه....الف شكر...ونعم ماخترت والله.,,







رد مع اقتباس
قديم 26-01-2010, 00:15   رقم المشاركة : 23
معلومات العضو
غريبةأطباع
 
الصورة الرمزية غريبةأطباع
 

 

وسام الوفاء لمنتدى القريات 
مجموع الاوسمة: 1 (أكثر» ...)

إحصائية العضو







اخر مواضيعي

 

غريبةأطباع غير متواجد حالياً


سهم

..


(الآه بصورة إنساان)

نقره لعرض الصورة في صفحة مستقلة


عبدالله بجاد التوم العتيبي .
حاصل علـى : بكالوريوس إدارة أعمال .
يعمل في المجال المصرفي ..




/
( كيف حالك؟)


كيف حالك ..؟
ياترى للحين صبحك
من سواد الهم
حالك ..!

كيف حالك
ياترى قادر تعايش
هالحياه ..
أو على خبري :
لحالك ..!

رد
قلي ؟ !
افتح جروحك ..
واعبرها تجلي ..!

وجاوب بنفسك :
سؤالك ..!

كيف حالك ؟ !
ولا متى والجوع ..
زوادة سفرك ..؟

والهموم
أوفى : رحالك ؟

وليه ..
لا ناظرت حولك
كنك بعين الأماكن
[ ناس ]

وأنت وحدك..
مامعك الا ظلالك ..؟

وآهـ ياطوله ظلالك
مالقيته في سهرك :
بس لقاك
فــ ارتحالك ..!

كيف حالك ؟
فك زر الصمت
عن همك
تكلم !!

ياخي حتى الحزن
من حزنك
تألم !!

ومالقى غيرك
يضمه
وانت غيرك
مابقى لك .!

تجمع جروح الليالي
في يديك
وينتثر قدام عينك
حلمك اللي كم عنيت له
ولا مرّه عنالك ..!


كيف حالك ؟

وكيف هو طعم
الغياب
اللي ارتمى حولك ..
ولا شح بوصالك ..!








/

( تعاال .. شفني) !

تعال شفني ..
كتله من الأحزان فغيابك . .
تعال شفني
شف وش اللي صار بأسبابك .!
ولاّ تدري ..
لاتجي
ماتعودت بغير حزني ألتجي ..
من صغري انا وياه أصدقا
وحده اللي في عالمي بهمّه بقى
كل ما أكبر .. بعد يكبر معاي
كل ما اتكدر . . يخفف من عناي
وتدري ليه
لأن هو الوحيد اللي معي بصدقه وفا
ولأني لصدقه وفيت ..
من كثر ما انا أنتهيت .!
ومن كثر ما أنتهي
صرت كل يوم أبتدي
أضوي شموعي وأجمّع ذكرياتك ..
احرس اللي بقى من ماضي شتاتك.!
تعال
تعال شفني .!
ولاتدري . . لاتجي .!
ماتعودت بغير حزني ألتجي .!



/

( بـااب )


ويمرّ الليل وفـ جُعبَة (ظلامه) دمع عين وباب :
.......................... رمى خَلفه فضا شيّدْ من هموم الزمنْ دوله
يمرّه والمرارَه تَجرعَه وجْروحَه الأحباب
.........................تزفه لـ السَهَر يوم السَهَر : أَسْرَج له خيولَه
على ( كثره) عَجَزْ يلْقى لـ حزنَه فيه "يد اصحاب "
.............................على "قل الوفا " مدّ الوفا لـ احزانَه تقولَه
كثير اللي زرعهُم تحت ضلعَه والأملْ ماغاب
...............................كثـير وما حَصَد غير الجُحُود وهمًّ يْنوله !
لقاهم / يوم ضاقت به سنينَه ضحكتين وناب
........................غَرس ضيق المدى في وحدتَه وارخى لهْ سْدوله
على كثر الوجيه اللي تمرّه / كلّها أغراب
.........................على كثر إنهمارَه / ما لقى إلا (الجوعْ) محصولَه !
نسى نفسَه كثير ولا لقى غير التعب / جلباب
..................................يلَحَف صبره اللي جرّه لـ أحلام مجهوله !
سنين وصمته يلفّه وحزنه داخلَه ينساب
.............................سنين / ويقهر دموعَه سنين /ويكرهَه زوله
سنين وآهـ ياذِكرى الحنين الصادق الكذّاب
.............................سنين وآآهـ ياظُلم الغياب اللي إرتمى حولَه
سنين ويارتابة وقته المتوجّس المرتاب
..................................سنين وياهـ يا احلامً بقيد الصمتْ مغلوله !
كأني : لوجهلتَه أَعْرف انّه وجه عمرً ذاب
................................لجل يحصد محاصيلً بـ (دمّ) الدمع مبلوله
كأني : لو عرفتَه ماعرفتَه غير : شبً شاب
..............................من جروحً بنت للحزنْ من بين أضلُعَه دوله !


/

قولوا لها :
عَجَز الشِعرْ لا يطولَها .!
قولولها :
من غادرَتْ أرضي وجفافي ..
يغريه عَذب هْطولها ..!
قولوا لَها :
ماعاد باقي للسَهَر غير الشموع
ولاعاد باقي للألم إلاّ الضلوع
قولو لها :
منهو سَرَق حِلم العُمُر ?!
واغتال بي درب الرجوع ..!
البارحه :
ذكِرى // وحكايات // وصُوَر ..
دمع // ومسافات // وسَهَر ..
البارحه :
مرّت دَهَر . . !

ليه راحت ..
واستباحت كل همً أرهقه طول إنتظار ؟!
وليه ليلي ماحكى للنجم .. عن قصة غياب النهار !
يمكن ان الصبح يشرق !
يمكن ان الجرح يَغْرَق .!
يمكن ان الليل يمضي ويسدل بروحي الستار !






وأنتَظرِك ..
وأنتَظرِك ..
ويصيح الشوق في قلبي .!
أمانة قلّي وش عذرك ؟
إذا طالت مسافة:
أُمنياتك ..
أُغنياتك ..
صمتك وحبرك .!
أمانه بس وش عذرك ؟
أو
وش اللي بس ينتظرك
شموعك ليه ؟!
دموعك ليه !؟
وغرام احلى مواعيدك تعلّق في شراع التيه !
ودقايق هم تنتظرك
أمانه بس وش عذرك ؟
وش يفيدك إنتظارَك ؟
وانت ليلك ماتوانى : يطعنك / يحبس نهارَك .!
وش يفيدك إنتظارك ؟
وأنت همّك إن تأخر " إعتذر لكْ "
ثم بلا إحساس زارك !



ياخي ارحَلْ
جمع ْشتاتك وإرحَلْ
مابقى للحُب سيرَة ..!
ولابقى للصدق مَنزل ..!


/


ياسائلتني من أنا ؟!
والله تعب
والله ألَم
والله عنا ..!
كتلة حزِن مشوارها :
كل ما تهدّم إنبنا ..!
أحلام تذهب للـ فنا
وجروح تصرخ : ليش أنا ؟!

:




آمل أن تكونوا بخير !







التوقيع

وآنا مع الذّكرى
في نفس المكان
في غير الزمان !
رد مع اقتباس
قديم 23-02-2010, 11:08   رقم المشاركة : 24
معلومات العضو
واثق الخطوه

إحصائية العضو






اخر مواضيعي

 

واثق الخطوه غير متواجد حالياً


افتراضي

نقره لعرض الصورة في صفحة مستقلة

الشاعر/صالح الحرصان
شاعر الانسجان
شاعر تعجبني كلماته الرنانه والقائه المميز
احفض لشاعر الانسجان بعض الابيات اللي عجبتني ودائم ارددها
---------------------------------------
بعض البشر بالروح والدم يفديك
والبعض عايش ويتحرى مماتك

بعض البشر ماتريد شوفه ويبغيك
والبعض تبغي شوفته ماصفالك
---------------------------------------
ليش الجفى والصد بين المحبين
ليش التغلي وانت عارف غلاتك

القلب واحد مايجي فيه شخصين
والقلب لامن راح وشهي حياتك
-------------------------------
ان كانها بفلان ارجل من فلان
تبطي رجالن ماتوصل فعالي

ربي خلقني ماعرف ذل وهوان
والله جعلني من رؤس الرجالي
----------------------------
جوفي واحب الجوف والجوف بالجوف
ارض الكرم والطيب وارض الشجاعه

تاريخنا من عهد خالد وابن عوف
والطيب فينا مايعرف القناعه
------------------------
يابنت انى ماريد طبعك يجي شين
مابغى التغلي يامره من سماتك

انى بنظره ينحنن لي ملايين
كم بنت لامن قلت شعري تهاتك
--------------------------
انى اللذي ابني من الشعر بنيان
وانى اللذي اهدم بشعري مباني
----------------------------
واختامها تبغى الخلاصه انى اعطيك
نصيحتين(ن) خذبها في حياتك

اضرب على الكايد لياحل طاريك
خل البشر تضرب مثال بفعالك

والثانيه مالك عن الناس يغنيك
حتى المراجل تشتريها بحلالك
-----------------------------
هذا ما احفضه للشاعر صالح الحرصان شاعر الانسجان
واتمنى ان الابيات تعجبكم مثل ماعجبتني







رد مع اقتباس
قديم 10-03-2010, 11:13   رقم المشاركة : 25
معلومات العضو
عصام البسيوني

إحصائية العضو







اخر مواضيعي

 

عصام البسيوني غير متواجد حالياً


افتراضي الشعر الشعبي بين المسرح والتدوين

لقد فتحت شهيتي -أستاذ / عبد الزاق الهزيل - على وجبة ساخنة من الحديث عن الشعر الشعبي ..فالشعر الشعبي هنا بالمملكة هو رافد للشعر العامي بمصر..وكلاهما اوسع انتشارا لتعدد اغراضه الشعرية ..فنرى هذا اللون من الشعر لديه القدرة على التوغل في مناحي الحياة المختلفة..والسؤال الذي يطرح نفسه .هل ياترى كيف يوجه هذا اللون من الشعر؟والاجابة هي . يوجه ليكون كلمة اغنية جميلة .او يوجه للمسرح حيث نحن بحاجة الى وجود بل وانتشار المسرح الشعري.ليس هذا تقليلا من قيمة هذا اللون الشعري ..بل لوضعه في المكانة التي تليق.والشعر الشعبي لو وظف كذلك سنعطي الفرصة لشريحة عريضة من الشعب ان يستوعب الرسالة التي من اجلها قيل .فالشعر الشعبي لديه القدرة الاقوى على التعبير..حين يكون طليقا دون ان يقيد بين دفتي ديوان..فروعته في سماعه ومشاهدته لا في قراءته..فلا يتمتع بموسيقاه الشعرية عند قراءته الا شاعر .






رد مع اقتباس
قديم 15-03-2010, 02:07   رقم المشاركة : 26
معلومات العضو
صمت المشاعر
أبـو راكـآن
 
الصورة الرمزية صمت المشاعر
 

 

وسام المشرف المميز 
مجموع الاوسمة: 1 (أكثر» ...)

إحصائية العضو






اخر مواضيعي

 

صمت المشاعر غير متواجد حالياً


افتراضي

نقره لعرض الصورة في صفحة مستقلة

الشـاعر ضيدان بن قضعان
من المملكه العربيه السعوديه



شاعر من العيار الثقيل أثرى الساحة بالكثير من القصائد الفريدة
يتمتع بجماهيرية تفوق الوصف
شارك في العديد من الأمسيات الشعرية داخل الوطن وخارجة




ومن اجمل قصائده




..(ياوجودي)


ياوجدودي كل ماهب نسناس الشمال
وجد من حده زمانه على اللي ما يبيه

وياوجودي كل مااغفيت ثم مال الظلال
لاغفت عيني ولاذقت شي مشتهيه

وجد من قفى وهو في رجا كلمة تعال
والتفت من عقب مااقفى ولحدن لد فيه

وياعذابي لادنا الليل من روس الجبال
وانتهى يوم من العمر ماعاد ارتجيه

وانتي ابعد من سما الحلم ووصالك محال
يابعد من هل دمعي ضحى الفرقا عليه

ياغناتي لاتحسبين دمعي يوم سال
ضعف والا خوف والاكذا والا كذيه

والله اني من رجال يضدون الرجال
لكن الحظ الردي ساق دمعي كلبيه

ووالله اني كل مادار حوليك الجدال
قمت كن الموت يشر على قبري يإيديه

ووالله ان قد لي وانا اصد لاجالك مجال
صدت اللي لاتضايق تذكرقبر اخيه

ومن سألني قلت مدري واذا عاد السؤال
قلتله تكفى سؤالك ترى ماهو وجيه

وش تبيني اقول عما ترى ذبحي حلال
والخطا منها علي صرت احبه واهويه

عذرها لو ماتعذر مثل واضرب مثال
واحدن مايعرف الحر الأشقريشتويه

وان رجعنا للتواصيف لله الكمال
لا انتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه

واهني اللي وصلها وذاق امن الزلال
رشفة مع غفلة الناس من فيها لفيه

واعزتي للي سواتي عشق ما لا يطال
ويوم طاله ضيع الحلم بين أمه وابيه

يااول احلام الطفوله على حد الخيال
الرجا بللي حمى البيت من حملة بريه

حال دونك سيف عنتر وتاسع حول حال
باثر حول حال دونك وانا ادعي هيه هيه

هيه يللي غرك الحسن واطغاك الجمال
والله ان اموت ماشفت لاوصافك شبيه

لو يسام الحسن والتيه بجنيه وريال
مابقى في سوق غيرك لا ريال ولاجنيه

كيف اهدك للمقابيل وانتي راس مال
راس مال ومال والماال مايعطى السفيه

حافظك حفظي لعيني ورمشي لك جلال
وانتي تشحين بالما وانا شفي مويه

شايفن ظلمك وساكت وطال الليل طال
لاتركتي طعن قلبي وانا ماقلت ليه؟

لو بقا للهيل صبرن على فوح الدلال
مابقى للقلب صبرن على شي يجيه

كنت احسب ان الغلا زال واثره لايزال
في الحشا ماكنه الا دخيل في وجيه

ساقني حبك على الموت وسنيني هزال
والظروف اقسى من الظلم للعرض النزيه

وانتي تسوقين عقلي على حد الهبال
تحسبين ان من بغى شي يقدر يشتريه

والا انا ياوجد حالي وجودن مايقال
وجد من ضحى بغاليه لرضا والديه

وياوجودي يااول العمر قبل ألبس عقال
وجد من باع آآخر العمر في رغبة ذويه

وياوجودي كل ماهب صوتش من شمال
وجد من حده زمانه على اللي مايبيه






( . . . يا عظيمه . . . )


يا عظيمه كل شيٍ له حـدود ولـه نهايـه
لكن انتي ماوقفتي عنـد حـدّك ياعظيمـه

استلذّيتـي بطعنـاتـي واخذتيهاهـوايـه
كن ما لك حربـةٍ توجـع وطعنـاتٍ أليمـه

آه ليتـك مـا تماديتـي بطعنـات البدايـه
لين صار لكل طعنه فالحشـا معنـى وقيمـه

الله يبيحك ولكن كيف فـي أغـرب روايـه
تكتبين الحب كذبـه والهـوى دقّـه قديمـه

وانتي اللي كل ما لـدّت عيونـك فالمرايـه
ما لمحتي الا اليتيم اللي خذت قلبـه يتيمـه

واليتيمه فاليتامـى مالهـا حـق الوصايـه
الوصيّه عودها الغـض ونوايـاه السليمـه

لكن انتي صار لك حق الوصايـه والولايـه
واستبدّيتي وشدّوا البدو واضحيتـي مقيمـه

ما رحلتي لين حطّمتي بمـا فيـه الكفايـه
عاقلٍ حب الجنون وصوت نارك في مشيمـه

استبحتي حرمة المجنون بـادراك وعنايـه
والتفتّي له بعقلك وارتكزتي فـي صميمـه

امتلكتي غايته لو كـان مالـه فيـك غايـه
وانتصرتي في عيونه واعترف لك بالهزيمـه

من كثر ما يعشقك ماقال لك بالحـب رايـه
خايف الأيـام لا تطلـع عواقبهـا وخيمـه

في طريقك كل ماكنّه لمـس درب الهدايـه
تاه ودروب الحيـاة المستقيمـه مستقيمـه

تايهٍ بصري ومـن جابـه لبيـت الله تايـه
عذر من غمّض بعين وعينه الأخرى كريمـه

فدوتك مافات من ليّام واللـي عـاد جايـه
يا بعد عمرٍ مخاسيره معك عنـدي غنيمـه

أنتي الفارع بقـد وجـد واسمـاء وكنايـه
من عشق مثلك يجوز من الهوى وشداد ريمه

ليه لا وانتي بحسنك في ذوات الحسن آيـه
لا ذهب لا ماس لا ياقوت لا احجارٍ كريمـه

شاعرٍ له مع هل الرايـات فالمرقـاب رايـه
كل ماهبّـت هبوبـك فلّهـا قـدر وحشيمـه

سامحك من ألف باء الذنب الى مالا نهايـه
واستباحك عن خطـاه وكـل طـقٍ بتعليمـه

يوم قلتـي أعطنـي حرّيتـي أطلـق يدايـه
ما ذخر عن وجهك الا طعنتينٍ فـي صميمـه




ــــــــــــــــــــــــــــ


( . . . حنى بدو . . . )

يـلي عـلى وجـهي قـريتي كل صفحات الشقى

اقـري وأنـا باكتب قصيدة واشعل الساحة iiحريق

بـاقي كـثر مـا راح واللي راح نصف اللي بقى

وان مـا وصلت لغايتي با موت في نصف iiالطريق

يـابنت يـوم امـطر غـلاك بقلب ضيدان iiوسقى

تـدرين وش سـبة شـقاه وسبة الجرح العميق ii؟

شـقاه مـن يـمناه واسـم الـشيخ والنفس iiامحقى

والـجرح مـنك يا أعذب العذبات يالموت iiالرقيق

يـا بـنت مـا دام الـبدو تخلف هقاوي من iiهقى

وانـا بـدوي مـني يـشيل من الزمن ما لا iiيطيق

ابـفتخر حـنا بـدو نـعشق عـلى وضـح iiالنقا

حـنـا بـدو فـينا الـولد لـلقمة الـعليا عـشيق

حـنا بـدو فـينا الـولد لـو شاف موته ما iiأتقى

حـنا بـدو فـينا الـولد يـرقا ولـو مـاله iiرفيق

حـنا بـدو فـينا الـولد لا مـن رقـا رقـا iiرقا

الـين يـوصل غـايته لـو كـان في قمة iiطويق

يـابنت جـيتك والـثمن عـمري ابـي لـيلةٍ iiلقا

يـما كـذا والا بـلاش مـن الـصداقة والصديق

وسـاعة تـبسمتي وشـفت الـجمر والثلج iiاصدقا

قلت أشهد أن الموت حق وصحت لك صيحة غريق

واعـتقت دمـعي والـزعل والحزن لرضاك iiأعتقا

وأغـفت عـيوني فـي عيونك يا عساها ما iiتفيق

وامـنت بـاللي سـخرك تـقرين صـفحات الشقا

واشـعلت بـردي فـي دفاك وشبت الساحة iiحريق


ـــــــــــــــــــــــــــــ

وسلامتكم . . .






التوقيع

سـبحان الله وبحمده سـبحان الله العظيم

رد مع اقتباس
قديم 19-11-2011, 20:49   رقم المشاركة : 27
معلومات العضو
قرناس الكويكبي

إحصائية العضو






اخر مواضيعي

 

قرناس الكويكبي غير متواجد حالياً


افتراضي

بكل صراحه (عبدالرزاق الهذيل)







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ابراهيم العنزي يكشف حقائق شاعر المليووون محمد بن معازر قسم الصحافة والإعلام 3 29-04-2008 02:27
شاعر المليون في نظر احد الكتاب حلم طفل القسم العام 18 27-04-2008 21:55
الشاعر محمد جارالله السهلي في لقاء خاص احمد بن عايض قسم الشعر الشعبي 2 07-03-2008 04:29
عااااااااجل ؟؟؟ فضيحة شاعر المليون ناصر الفرااااااعنة هل هو شاعر أم ســااااارق ؟؟؟ almilion قسم الشعر الشعبي 8 01-02-2008 10:30

جميع ما يطرح في المنتدى من مواضيع وردود لا يعبر عن رأي إدارة المنتدى وإنما يعبر عن رأي كاتبه


الساعة الآن 12:18.


Powered by vBulletin® Version 3.8.4
Copyright ©2000 - 2018, Jelsoft Enterprises Ltd. TranZ By World 4Arab
Ads Management Version 3.0.1 by Saeed Al-Atwi
Protected by CBACK.de CrackerTracker
  تصميم المركز السعودي لخدمات الويب